Was wär ohne Lautre die Palz ...

Was wär ohne Lautre die Palz -
dess wär wie e Supp ohne Salz,
dess wär wie e Hawwe ohne Deckelche
dess wär wie e Gääß ohne Böckelche
was wär ohne Lautre die Palz -
dess wär wie e Supp ohne Salz.

In Lautre gäbbts de FCK
un net ää Brauerei -
de Humberch-Turm seit Johr un Daa
schteht schtolz wie einst im Mai
De Betze un de Kaiserberch
de Kotte un die Krimm
Die Schtifts- un die schää Martinskerch
schtehn in de Mitte drin ...

Refrain:

Die Fruchthall, die so gut gefallt
markiert genau die Mitt'
mer leihn im Herz vum Pälzer Wald
merkt'mer uff Schritt un Tritt -
mer Lautrer sinn e besondri Rass
sinn net uffs Maul gefall -
mer singen ohne Unnerlass
un dess mit lautem Schall ...

Refrain:

Im Johr 06 iss die WM
un meer sinn mit debei
mit sowas hämmer kää Problem
dess saa mer frank un frei -
In Lautre iss die Welt zu Gascht
mer macht sich uff die Walz
ehr sinn fer uns e sießi Lascht:
Willkumme in de Palz ...

Refrain 2x:

Text und Musik
E. Damm